Verkefnisstjóri er tilgreindur í tilboðsgögnum. Þegar samningur hefur verið gerður er það hlutverk verkefnisstjóra að:

• Skýra gæðastjóra frá samningnum.
• Endurskoða og uppfæra verkáætlun ásamt því að búa til nákvæmari verkáætlun og verklagslýsingar.
• Gefa út lýsingu á umfangi verks undirverktaka (Scope of Work).
• Ganga úr skugga um að allir í verkefnishópnum, þar með taldir undirverktakar, þekki innihald Gæðatryggingarhandbókarinnar.
• Setja upp möppu fyrir skjalavistun verkefnisins.
• Útnefna ábyrgðaraðila fyrir verkþætti.
• Gefa út nauðsynlegar verkefnisleiðbeiningar til allra meðlima verkefnishópsins.
• Sjá til þess að nauðsynleg útlitsskjöl séu til fyrir alla meðlimi verkefnishópsins þannig að þeir geti uppfyllt þær kröfur sem til þeirra eru gerðar í Gæðatryggingarhandbókinni.
• Ganga úr skugga um að meðlimir verkefnishópsins séu ekki yfirbókaðir og að þeir þekki verkefnið og þá verkþætti sem þeir eiga að vinna að.
• Komast að samkomulagi við þann sem er gæðastjóri verkefnisins um framvindu og framkvæmd gæðatryggingar í verkefninu.

Verkefnishópur er venjulega tilgreindur í tilboði fyrir verkefnið. Verkefnishópurinn er endurskoðaður þegar samningur hefur verið gerður og samsetning hans uppfærð eftir þörfum viðskiptavinarins. Verkefnisstjóri gefur síðan, eftir þörfum, út vinnu-leiðbeiningar fyrir “stöður” innan hópsins eftir því sem efni er til. Slíkar vinnuleiðbeiningar eru að minnsta kosti gefnar út fyrir ábyrgðaraðila verkþátta.

Þegar samningur um verkefni hefur verið gerður er komið upp skjalamöppu fyrir verkefnið sem er skipt upp á eftirfarandi hátt:

• Stjórnun.
• Tæknileg gögn.
• Gæðatrygging.
• Annað.

Ef þörf er á frekari uppskiptingu er það gert með sérstakar þarfir verkefnisins í huga. Verkefnismappan verður uppfærð á meðan verkefnið er í gangi.

Úreltum skjölum er eytt.

Inspectionem ehf. mun í allri sinni starfsemi halda samskiptayfirlit yfir:

• Innsend bréf og tölvupóst.
• Útsend bréf og tölvupóst.

• Dagsetning móttöku / dagsetning sendingar.
• Sent til hvers /móttekið frá hverjum.
• Varðandi.
• Skjalavistun hjá Inspectionem ehf.
• Ábyrgðaraðili.
• Tilvísun sendanda.

Sjá einnig kafla 11 í Gæðahandbók.

Það er skylda hvers meðlims verkefnishópsins að fylgja verklagi eins og því er lýst í Gæðahandbók eftir því sem við á í verkefninu.